Тіркелу
   Резидент РК
   Сгенерировать пароль
Пароль прийдет на указанный Email адрес
Алға
Кері қарай
Тіркелу
 

Возможности после регистрации:

Сможете задавать вопросы руководителям госорганизаций и получать на них ответы, получите доступ к документам для скачивания.


Сможете пользоваться дополнительными сервисами: участвовать в онлайн-конференциях, читать блоги, оставлять отзывы к госуслугам и оценивать качество их оказания.


В случае подписки на новости, получите информацию о всех событиях на свой E-mail.

По вопросам работы интернет - ресурса просим обращаться по телефону: 8 (7292) 42-83-32

Мұнайлы ауданы

Аудан әкімдігінің ресми интернет-ресурсы

Ерікті зейнетақы жарналары


Ерікті зейнетақы жарналары

Бүгінде Қазақстанның зейнетақы жүйесі үш деңгейден тұратыны белгілі. Оның құрамындағы ортақ және жинақтаушы зейнетақы құрамдауыштары  өзара оңтайлы үйлестірілген.

Бірінші деңгей – бұл ортақ зейнетақы жүйесі. Онда зейнетақы төлемдері мемлекеттік бюджеттен жұмыс істеуші азаматтардың салық аударымдары және басқа да түсімдер есебінен жүзеге асырылады. Бұл зейнетақы екі құрамдауыштан тұрады. Бірі – мемлекеттік базалық зейнетақы. Ол барлық зейнеткерге еңбек өтіліне немесе айлық табысына қарамастан өмір бойына тағайындалады. Екіншісі – еңбек өтіліне қарай төленетін жасына байланысты зейнетақы. Мұнда 1998 жылғы 1 қаңтарға дейінгі еңбек өтілі ескеріледі. Бұл ретте еңбек өтілі алты айдан кем болмауы тиіс.  

Екінші деңгей – міндетті жинақтаушы зейнетақы жүйесі. Мұнда Қазақстан азаматтарының, сондай-ақ Қазақстанда тұрақты тұратын шетелдіктер мен азаматтығы жоқ тұлғалардың айлық табысының 10 пайызы міндетті зейнетақы жарнасы ретінде зейнетақы Қорына аударылады. Бұдан басқа, 2014 жылдың 1 қаңтарынан бастап жұмыс берушілер зиянды (аса зиянды) жұмыстармен айналысатын жұмыскерлерінің пайдасына өз қаражатынан жалақының 5 пайызын Бірыңғай жинақтаушы зейнетақы қорына міндетті кәсіптік зейнетақы жарнасы ретінде аударуға міндеттенді.

Бұл ретте зиянды өндірістер мен жұмыстардың тізімін Қазақстан Республикасының Үкіметі бекітеді.

2020 жылдан бастап жұмыс берушінің міндетті зейнетақы жарналары енгізіледі. Сәйкесінше Қазақстандағы барлық жұмыс берушілер (олардың ішінде зиянды (аса зиянды) жұмыстармен айналысатын жұмыскерлерінің пайдасына өз қаражатынан жалақының 5 пайызын аударатын жұмыс берушілер де бар) еңбек жағдайына қарамастан өз қаражаты есебінен қызметкерлерінің пайдасына жалақының 5 пайызын зейнетақы Қорына аударады.   

Үшінші деңгей – ерікті зейнетақы жарналарына (ЕЗЖ) негізделген жинақтаушы жүйе. ЕЗЖ мөлшерлемесі, оларды зейнетақы Қорына аудару және зейнетақы төлемдері ретінде төлеу ЕЗЖ есебiнен зейнетақымен қамсыздандыру туралы шарт тараптарының келiсуi бойынша белгiленедi.

Сонау 1952 жылы қабылданған, Халықаралық еңбек ұйымының «Ең төменгі әлеуметтік қамсыздандыру нормалары туралы» Конвенциясына сәйкес орнын басу коэффициенті 40 пайызға тең болуы тиіс. Яғни, зейнетақы мөлшері жұмыскер жалақысының кем дегенде 40 пайызын құруы керек. 

Алайда зейнеткерлікке шыққандардың барлығының бірдей зейнетақысы жоғалтқан жалақыларының 40 пайызына жете бермейді. Бұған зейнеткердің зейнет жасына дейінгі жалақысының төмен болуы, жинақтаушы зейнетақы жүйесіндегі еңбек өтілінің аздығы, зейнетақы жарналарының тұрақсыз аударылуы және басқа да факторлар әсер етуі мүмкін.

Бірақ, осы жәйттерге қарамастан, қалайша лайықты зейнетақы алуға болады? Бұл мәселені шешудің бір жолы – ерікті зейнетақы жарналарын төлеу.

Ерікті зейнетақы жарналары – бұл, салымшының Бірыңғай жинақтаушы зейнетақы қорына өз еркімен аударатын ақшасы. Бұл ретте салымшы жарнаның сомасын өзі белгілейді және оны өзінің атына ғана емес, туған-туыстарының атына да аудара алады. 

Заңды тұлғалар да жеке тұлғаның пайдасына ерікті зейнетақы жарналарының салымшылары болуға құқылы. Мысалы, жұмыс беруші осылайша қызметкерлерінің жұмысқа деген ынтасын арттыруға әрекет жасауы мүмкін. Ерікті зейнетақы жарналары ерікті түрде жүзеге асырылады. Бұл үшін Бірыңғай жинақтаушы зейнетақы қорымен шарт жасалады.

Шартта жалақы мөлшерін немесе жалақының Қорға аударылатын пайызын көрсетудің қажеті жоқ. Өйткені, ерікті зейнетақы жарналарының сомасы салымшының мүмкіндігі мен ықыласына қарай ай сайын өзгеруі мүмкін.

2017 жылғы 1 мамырдағы жағдай бойынша БЖЗҚ-да ерікті зейнетақы жарналары есебінен барлығы 39,2 мың шот ашылған. Олардағы жинақтардың жалпы сомасы 1,7 млрд. теңгені құрайды.   

Ерікті жарналар да басқа зейнетақы жарналарымен қатар әр түрлі қаржы құралдарына инвестицияланады, сәйкесінше оларға да күн сайын инвестициялық табыс есептеледі. Ерікті жарналар есебінен құралған зейнетақы жинағының басқа зейнетақы жинақтарынан айырмашылығы сол, оны зейнеткерлік жасқа толмай жатып алуға болады.

Нақты айтар болсақ, Бірыңғай жинақтаушы зейнетақы қорында зейнетақы жинақтары бар:

1) елу жасқа толған;

2) мүгедек болып табылатын;

3) Қазақстан Республикасының шегінен тысқары жерлерге тұрақты тұруға кететiн немесе кеткен шетелдіктер мен азаматтығы жоқ адамдар, Қазақстан Республикасының заңнамасында айқындалған, кету ниетiн немесе фактiсiн растайтын құжаттарды ұсынған адамдар ерiктi зейнетақы жарналары есебiнен зейнетақы төлемдерiн алуға құқылы.

Ерiктi зейнетақы жарналары есебiнен БЖЗҚ-да зейнетақы жинақтары бар адам қайтыс болған жағдайда, олар Қазақстан Республикасының заңнамасында белгiленген тәртiппен мұраға қалдырылады.

Әлемдік тәжірибелерді зерделей келе, БЖЗҚ қазіргі таңда ерікті зейнетақы жарналары сынды болашаққа қаражат жинау құралын белсенді түрде пайдалану мүмкіндігін қарастырып жатыр. Қор мамандарының есептеуінше, аз мөлшерде тұрақсыз аударылған ерікті жарналары есебінен құралған зейнетақы жинағы зейнеткердің берекелі тіршілігін қамтамасыз етуге елеулі түрде септігін тигізеді.

БЖЗҚ: қосарлы шоттар қысқартылып жатыр

Қазақстанда жинақтаушы зейнетақы жүйесі тұңғыш рет 1998 жылы 1 қаңтарда енгізілгені белгілі. Жұмыс істейтін барша қазақстандықтар осы айдан бастап жинақтаушы зейнетақы қорларындағы өздерінің жеке зейнетақы шоттарына айлық жалақыларының 10 пайызын міндетті түрде аудара бастады.

Сонымен қатар, олар ерікті зейнетақы жарналарын да аудару құқығына ие болды.

Ал техникалық шоттар, яғни сұраусыз қалған шоттар осы алғашқы жылдары-ақ пайда бола бастады.  Неге? Әңгімені әріден бастайық.

1998 жылдан бастап Қазақстанда «Мемлекеттік жинақтаушы зейнетақы қоры» акционерлік қоғамы мен бірқатар мемлекеттік емес жинақтаушы зейнетақы қорлары құрылды. Бұл жерде егер жұмыскер қандай да бір жеке зейнетақы қорымен шарт жасаспаған болса, жұмыс беруші оның міндетті зейнетақы жарналарын автоматты түрде Мемлекеттік жинақтаушы зейнетақы қорына аударуға тиісті болды. Яғни, аталмыш Қор 1997 жылғы 20 маусымда қабылданған «Қазақстан Республикасында зейнетақымен қамсыздандыру туралы» ҚР заңының талаптарына сәйкес салымшымен қағаз жүзінде шарт жасаспай-ақ, яғни «үнсіз келісім бойынша» оның міндетті зейнетақы жарналарын қабылдауға міндеттенді. Басқа мемлекеттік емес жинақтаушы зейнетақы қорларына мұндай міндеттеме жүктелген жоқ.

Мінеки, осындай жолмен мыңдаған жеке зейнетақы шоттары ашылды.

Ал, көп адам өз атына Мемлекеттік жинақтаушы зейнетақы қорында жеке зейнетақы шоттарының ашылғанын тіпті білген де жоқ. Бұл шоттарға 2003 жылға дейін міндетті зейнетақы жарналары түсіп тұрды деуге болады. Ал, 2003 жылдан бастап жұмыскерлерге, сондай-ақ жаңадан жұмысқа тұрушыларға ең алдымен өз еріктерімен міндетті түрде қандай да бір жеке зейнетақы қорымен шарт жасасу талабы қойылды. Ал, Мемлекеттік жинақтаушы зейнетақы қорында кезінде автоматты түрде ашылған жеке зейнетақы шоттары сол ашылған күйінде қалып қойды.  

Сонымен қатар, көптеген жинақтаушы зейнетақы қорларында салымшының деректемелері (тегі, аты, әкесінің аты, салық төлеушінің тіркеу нөмірі, әлеуметтік жеке коды және т. б.) қате жазылған шоттардың да болғаны жасырын емес. Өйткені, ол кезде көп жағдайда зейнетақымен қамсыздандыру туралы шарттар қолмен толтырылды ғой. Салымшы кейін дұрыс деректемелері бойынша басқа қормен жаңадан шарт жасасқан кезде бұрынғы қордағы шоты сол күйі жабылмай қалып қойып жатты. Тіпті, зейнетақы жинақтарын алмастан шетелге қоныс аударған азаматтар да жетіп артылады. Олардың ішінде мұндай шотының болғанынан бейхабар адамдар да бар.

Мінеки, зейнетақы активтерін Бірыңғай жинақтаушы зейнетақы қорына шоғырландырғанға дейін осы тектес техникалық шоттардың саны шамамен 850 мыңға жетті. Олардағы жинақталған зейнетақы жинақтарының сомасы да аз емес. Бұл жерде мұндай шоттардың басым бөлігі «Мемлекеттік жинақтаушы зейнетақы қоры» (ГНПФ) акционерлік қоғамы мен «Қазақстан Халық Банкінің жинақтаушы зейнетақы қоры» акционерлік қоғамында болғанын айта кеткен жөн.  

2013 жылы 2 шілдеде «Қазақстан Республикасында зейнетақымен қамсыздандыру туралы» Қазақстан Республикасының жаңа редакциядағы Заңы қолданысқа енгізілді. Соның негізінде 2013 жылы тамыз айында  «Бірыңғай жинақтаушы зейнетақы қоры» акционерлік қоғамы құрылды. Бұл ретте Бірыңғай жинақтаушы зейнетақы қорының жалғыз акционері – Қазақстан Республикасының Үкіметі екендігін айта кеткен жөн. Сәйкесінше БЖЗҚ-дағы зейнетақы жинақтары салымшының меншігі болып табылады және оның сақталуына мемлекет тарапынан кепілдік беріледі.  

Сонымен, 2013 жылдың соңы мен 2014 жылдың басында Қазақстанда зейнетақы активтерін Бірыңғай жинақтаушы зейнетақы қорына шоғырландыру үдерісі жүрді. Базаларды біріктіру барысында 28 мыңдай қосарлы жеке зейнетақы шоттары өңделіп біріктірілді. Сөйтіп, біріктіру үдерісі аяқталған шақта өңделмеген техникалық шоттардың саны 821 345 бірлікті құрады.

Жалпы, қосарланған шоттардың иелерін, егер салымшы қайтыс болса оның мұрагерлерін анықтау жұмыстары әлі күнге дейін жалғасып жатыр. Өйткені салымшының зейнетақы жинақтары тиісті заң талаптарына сәйкес мұраға қалдырылады.

2014 жылы – 32 823, 2015 жылы – 57 214, 2016 жылы – 332 341, ал 2017 жылдың басынан бастап 1 маусымға дейін – 21 065 шот өңделді.

2017 жылдың 1 маусымындағы жағдай бойынша БЖЗҚ-дағы техникалық шоттардың саны 377 902 бірлікті құрады. Яғни, 3,5 жыл ішінде техникалық шоттардың 50 пайыздан астамының иесі табылды.  

Әрине, мұндай шоттарды өңдеу оңай емес екені рас. Бұл ыждахаттылықты талап ететін ауыр жұмыс. Қазіргі таңда Қор мамандары фонетикалық іздеу алгоритмі бойынша шоттарды өңдеу, иелерін анықтау жұмыстарын қарқынды түрде жүзеге асырып жатыр.  

Басты мақсат – иелерінің қарауынсыз қалған шоттарды толығымен өңдеу және болашақта осындай шоттардың қалыптасуына жол бермеу. 

Айта кетелік, бұл жеке зейнетақы шоттарындағы жинақтардың бірде-бірі бюджетке аударылған жоқ. Оларға міндетті зейнетақы жарналары түсіп тұрмаса да, әлі күнге дейін, күн сайын инвестициялық табыстар есептеліп тұрады.  

Ағымдағы зейнетақы заңнамасына сәйкес іздеусіз жатқан жеке зейнетақы шотындағы зейнетақы жинағы оны алушы немесе оның мұрагері (мұрагерлері) талап етпейінше есептен шығарылмайды.

Сәйкесінше оларды автоматты түрде жабуға болмайды деген сөз.

Осыған байланысты Бірыңғай жинақтаушы зейнетақы қоры қазақстандықтарды Қор бөлімшелеріне келіп, өздерінің немесе туған-туыстарының атына ашылған жеке зейнетақы шоттарын тиісті құжаттар негізінде тексеруге шақырады.

 Жаппарберген Айбота


Ақпараттық ресурстар